رواية( شمس وسط الظلام) البارت(13) بقلم:- أسماء أبوشادي
____________________________
مهاب نزل من عربيته وقبل ما ينزل أخد صورة لشمس وبعدين طلب من السواق يستناه في العربية ماينزلش
مهاب / يا انسة أنتي لحظة
شمس بصت وراها / أيوة حضرتك بتكل
( شمس ماكملتش كلامها لما لقيته هو )
مهاب بأبتسامة مابتظهرش غير لما يشوف شمس / إ اااا أنا اللي خبطتك في الجامعة فكراني
شمس بتحاول توقف دقات قلبها / ا ااايوة فاكرة حضرتك في حاجة
مهاب / لا ابدا أنا بس شوفتك قولت أسلم عليكي واعتذرلك مرة تانية
شمس / لا لاء مافيش إي داعي
مهاب / مافيش داعي اسلم ولا اعتذر
شمس بتوتر / لا أنا قصدي ماتعتذرش يعني
مهاب حس بتوتر شمس وحس من نظراتها ان هي كمان معجبة بيه لأنه بيقدر يفهم النظرات دي جدا / أنا مهاب ( مد ايده ) ازيك
شمس مدت ايديها وهي بتترعش / أهلا أاانا انا شمس
مهاب أول مالمس ايديها مابقاش عايز يسيبها أبدا وخصوصا أنها ناعمة جدا زي الأطفال بالظبط / احلى اسم أنتي فعلا شمس
( شمس شدت ايديها بسرعة من ايديه ومهاب سابها لانه حس برعشت ايديها )
شمس / طيب انا اتشرفت بحضرتك عن إذنك
مهاب / مع السلامة يا احلى شمس
@@@@@@@@@@@@@@
شمس رجعت البيت ودخلت اوضتها علطول وفضلت قاعدة سرحانة ومستغربة هي ازاي ما صدتهوش زي ما بتصد اي حد وليه بتتوتر أوي أول لما بتشوفه
مروان خبط ودخل لشمس بس لقاها مسهمة وقالتله ادخل بس كأنها في دنيا تانية مش هنا خالص
مروان / إيه يا قمري بتفكري في ايه
شمس بتحاول تتحكم في توترها / ها لا ابدا
إيه دا هو انت رجعت من الورشة دلوقتي ليه
مروان فهم إنها بتغير الموضوع / لا ابدا أصلي هخرج مع صحابي نتسحر في الحسين
شمس بمرح / أيوة بقى
مروان / تحبي انفضلهم واخدك ونروح نتسحر سوى هناك أحسن
شمس بأبتسامة / لا يا قلبي روح انا هتسحر مع عمي وماما منى. إلا صحيح هو محمد مش هييجي بقى فاضل اسبوع على العيد وهو ماجاش
مروان / ماتقلقيش يا قمري هو هييجي يوم الوقفة علشان يقضي معانا العيد وهياخد اسبوعين بعد العيد كمان
شمس / يا مهون بقى ويخلص الجيش ده عشان يساعدك في الورشة بدل ما انت شغال فيها ليل ونهار حتى في رمضان
مروان / ولا يهمك انا مش تعبان ويلا اهو فاضله بعد الاجازة دي شهرين يعني هييجي الاجازة وبعدين يروح وهييجي بعد شهرين مش هيرجع تاني ابدا لأني أنا أساسا بقلق عليه أوي
شمس / ربنا يسترها عليه يارب
________________________
عند مهاب في العربية
كان مبسوط جدا ومش قادر ينسى لمسة ايديها ولا صوتها اللي بيسحره ولا عيونها اللي فيهم كمية براءة مش موجودة في العالم كله ولا شافيفها اللي هيموت ويلمسهم بشفايفه
مهاب لنفسه / نفسي احضنك زي ما ايدي حضنت ايديكي أنا مش عارف أنتي بتعملي فيا إيه وبتحوليني من مهاب العدلي اللي ماحدش يقدر يقف قصاده لمهاب العاشق
إيه دا معقولة أنا عشقتها
( مهاب قرر يتصل بواحد صاحبه هو بيرتاح معاه جدا بس مابيتكلموش غير كل فين وفين
ترن ترن ترن
…………/ مش معقول مهاب باشا العدلي بيتصل بنفسه
مهاب / نور عامل ايه وازي البنوتة بتاعتك
نور / تمام الحمد لله لسه فاكر تسأل عليها أنت من يوم حفلة السبوع ماشوفتهاش واهي قربت تكمل سنة
مهاب / ما انت عارف المشاغل بقى المهم انا عايز اقابلك ضروري
نور / طيب مافيش مشكلة هوصل بس البشمهندسة على البيت عشان كنا عند عيلتها واجيلك على الشركة
مهاب / لا مش في الشركة خلينا في مكان تاني أحسن
نور / طيب بس مافيش مشكلة تعالى انت عندي البيت ونتكلم هناك بالمرة تشوف
( نور السما ) كبرت اد ايه
مهاب / خلاص ماشي
( أيوة هو نور عز حلوة المفاجئة دي ولا لاء
نور وسما هيبقى ليهم دور في القصة
لأن مهاب صاحب نور من أيام الجامعة
وكمان دا صاحب الشركة اللي أبو سما كان شغال فيها قبل ما يموت. المكان اللي سما ونور اتقابلوا فيه أول مرة فاكرين )
@@@@@@@@@@@@@@@@@@
في قصر نور عز
في الصالون
نور بأبتسامة / منور يا مهاب
مهاب / دا نورك أومال فين نورالسما
نور / مامتها بتغيرلها لأنها بهدلت نفسها وأحنا برة. يا دادة يا دااادة
الدادة / نعم يا نور بيه
نور / هاتي نورالسما من فوق
( جت الطفلة ومهاب حبها وباسها وبعد كدة نور طلب من الدادة تطلعها لمامتها )
نور / احكيلي بقى انا حاسس كدة بلمعة في عنيك أنا عارفها كويس صح ولا أنا غلطان
مهاب / بص يا صاحبي أنا شوفت بنت صدفة مجرد صدفة ومن أول نظرة حاسيت إنها ملكي أنا وبعدها بقيت أروحلها الجامعة مخصوص علشان اشوفها من بعيد ولما أخدت الأجازة وقعدت أسبوع ما اشوفهاش كنت حاسس بضياع والنهاردة شوفتها واتكلمت معاها كلمتين ومن وقتها وأنا أسعد إنسان في الدنيا
نور بفرحة / معقول مهاب العدلي وقع في مصيدة العشق لا وبنفس الطريقة اللي انا وقعت فيها وعملت نفس اللي كنت بتتريق عليا وأنا بعمله
مهاب / أنا جايلك بما انك عاشق قديم علشان تقولي اعمل ايه لأني بصراحة يا صاحبي لحد دلوقتي مش مصدق إني أنا بيحصل معايا كدة ابدا
نور / ليه يا صاحبي أنت مهما كان قلبك قوي أو قاسي أو أوقات بيكون متوحش بس دا بيكون على الناس اللي بتحاول تأذيك ونصيحة مني ليك أمشي ورا قلبك لأن اللي زينا مش بيلاقوا الحب بسهولة ولا قلبهم بيدق بسهولة. اوعى تضيعها من ايدك استغل كل لحظة عشان تعيش معاها فيها لأن الحب هو اللي هيخليك تحس انك عايش
مهاب \ طيب اعمل ايه يا نور
نور / قرب منها واخطبها طبعا
مهاب / بس انا مااعرفش عنها حاجة أبدا غير شكلها واسمها شمس
نور بضحكة بسيطة / ههههههههههههه يا ابني أنت مالك كدة طيب ما تعرف عنها كل حاجة
مهاب / نور ماتضحكش أنا عارف انه سهل أعرف هي بنت مين وهي مين وبتعمل إيه من يوم ما اتولدت وعايشة أزاي بس مش دا قصدي
نور / خلاص ماتزعلش فهمتك وبسيطة كلف واحد ثقة يراقبهالك شوية وأنت كمان حاول تقرب منها وربنا معاك ويسعدك يا صاحبي
إلا بالحق هي في سنة كام جامعة
مهاب / تقريبا خلصت تانية السنة اللي فاتت
نور / يعني السنة اللي جاية هتبقي تالتة. ربنا يستر وماتعملش زيي و تستنى لحد ما تخلص جامعة
___________________________
مر أسبوع
ومهاب بيراقب شمس علشان يعرف كل حاجة عنها
أما شمس فهي لسه بتفكر في مهاب وكل ما تحاول تشغل نفسها بحاجة برضوا مابتقدرش تطلعه من تفكيرها ولما بتفتكر لمسة ايديه بتحس بإحساس غريب
وجه يوم الوقفة.وانتهى الشهر الكريم
__________
في الشركة عند مهاب
مهاب طلب تقرير من الراجل اللي هو مكلفه بمراقبة شمس وبمعرفة أدق تفاصيل حياتها
مهاب / بقالك أسبوع احكيلي إيه اللي عرفته عنها وياريت تكون نفذت مهمتك بدقة
الراجل / يا فندم هي متفوقة جدا في دراستها ودايما من الاوائل ودخلت جامعة خاصة بمنحة لأنها من الاوائل على الجمهورية ومحترمة جدا ودايما في حالها ملهاش صحاب غير داليا هانم بنت عم حضرتك وبنت من منطقتها اسمها جميلة وبسبب اختلاف جامعتهم مش بيتقابلوا كتير وبنت تانية اسمها رودي وهي كمان محترمة وهي دايما بتوصلها بعربيتها لحد منطقتها وملهاش اي صحاب تاني ومابتخرجش من البيت لوحدها غير لجامعتها أما اي مشوار تاني فبيكون معاها ابن عمها وتقريبا هي طول الوقت معاه من طفولتها هما مافيش حاجة بينهم رسمي ( مهاب اتصدم وقلبه وقف ) لكن اكتر الناس في منطقتهم بتقول ان في حاجة بينهم بس مستنين لما تخلص دراستها و
مهاب يقاطعه / أنت متأكد ان في حاجة بينها وبين ابن عمها دا
الراجل / والله يا باشا دا اللي توصلتله من تحرياتي عنها ومن جرانها لأنهم عايشين في بيت واحد
مهاب / طيب أمشي انت وعايزك تتأكدلي من الموضوع ده وعينك ماتتشالش من عليها واول ما تعرف حاجة تثبت أنها على علاقة بيه تعرفني علطول مفهوم
@@@@@@@@@
مهاب بعد الكلام اللي سمعه كان حاسس كأنه اتضرب بخنجر في قلبه
وبيتمنى تكون المعلومات دي غلط
______________
في صباح العيد
في شقة عبدالحميد المصري
شمس بغناء / العيد فرحة واجمل فرحة هييي هييي هييي وسعدنا بيها بيخليها زكرى جميلة لبعد العيد
محمد بأبتسامة / اجمل عيد على احلي بلبلة بتغني كل سنة وانتى طيبة
شمس / وأنت طيب يا ميدو. بس انت ماروحتش تصلي العيد معانا ليه دا الحسين كان مليان أمم مصر كلها كانت بتصلي العيد هناك
محمد بكسل / والله كنت تعبان وجسمي مكسر انتي عارفة لسه جاي من الجيش أمبارح بقى وكانوا طحننا هناك
شمس / يلا خلاص هانت كلها شهرين بس انت فاتك كتير دا فرحة العيد هي صلاته
عبدالحميد / معاكي حق والله يا بنتي تعالي بقى خدي عديتك عشان أنا اكون اول واحد يديكي العدية
شمس / ههههههههههههه لا يا حج كالعادة مارو سابق الكل واداني عديتي بعد ماصلينا العيد
محمد / ههههههههههههه ههههههههههههه عيب عليك يا عبده هو مروان ابنك بيسيب حد يعيٌد عليها قبله
( شمس خرجت مع مروان اتفسحوا واتمشوا وكانت شمس لابسه بنطلون ثلجي وفوقه تيشرت بكوم أسود شكله جميل جدا وعليه بعض من الاكسسوارات الحمراء ولبست حجاب مزدوج باللونين واتمشوا على النيل ومروان اشترالها بالونات واتصوروا كتير بتليفوناتهم وبعدين راحوا استديوا بمنطقتهم اتصوروا فيه تاني
وكان يوم جميل جدا
______________
عند مهاب
جاله اتصال من الراجل اللي مكلفه بمراقبة شمس وقاله إنها بتتفسح مع مروان وكمان الراجل صورهم
ومهاب سأله عن مكانهم وراحلهم بسرعة وهو اللي ساق بنفسه العربيه وطلب من حرسه ماحدش منهم يروح وراه ولما وصلهم كانوا في الوقت دا لسه على النيل بيتمشوا وشمس كانت ماسكة البلالين. وكمان الجو كان شمس ومروان خلع الكاب بتاعه ولبسه لشمس
مهاب أول ما شاف المنظر ده ماقدرش يستحمل ومشي بسرعة البرق
مهاب بعصبية واستهزاء من نفسه / رايح تحب وتعشق اديك اتخانت من قبل حتى ما هي تحبك. وطلعت مش ليك. أزاي سمحت لنفسك تقع في حب بنت أصغر منك ب 10 سنين
دا انت ياما شوفت اشكال والوان أزاي أزاي بس
ياريتني ماشوفتك أبدا.
انا لا يمكن أسمح لنفسي اني أضعف أبدا
_________________
عند مروان وشمس في مطعم بياكلوا فيه
مروان / قمورتي في حاجة عايز اتكلم معاكي فيها بس لو انتي مش عايزة تتكلمي أنا مش هتضايق منك وكمان مش عايزك تضايقي مني
شمس بأبتسامة/ مارو أنا عمري ما اتضايق منك لأنك ببساطة كل حاجة ليا في الدنيا وياريت لما تحب تتكلم في حاجة كلمني علطول.
مروان / طيب بصي يا قلب مارو
انا ملاحظ انك بقالك فترة بتسرحي كتير ومتغيرة شوية
شمس وشها احمر من الكثوف / فعلا يا مارو وعلى فكرة كنت هحكيلك لانى مابعرفش اخبي عنك حاجة خالص
مروان / طيب احكي يا قمورتي أنا سامعك
شمس / أنا من فترة كدة شوفت واحد في الجامعة هو خبطني وأنا بكلمك في الفون يوم ما انت جيتلي الجامعة في الامتحان
انا اول ماخبطني كنت هشتمه بس اول ماعيني جت في عنيه كأن الدنيا كلها وقفت من حواليا وقلبي بقى يدق بسرعة بسرعة
( حد فيكوا حاسس بمروان حد حاسس بالعذاب والنار اللي في قلبه
بقى مهاب اللي يعرفها من شهر كان هيموت لما عرف إنها مرتبطة بغيره. طيب ما بالك باللي حبها موت وعشقها عشق الجنون وهي بالنسبالة كل حياته ودنيته والعالم بتاعه
بجد لمجرد التخيل احساس يقتل )
مروان / كملي أنا سامعك
شمس / وشوفته بعدها بكام يوم في الجامعة من بعيد وبرضوه حسيت نفس الإحساس وكان نفسي أتكلم معاه وبعدها أخدت الأجازة وكنت بتمنى اقابله تاني
وفعلا شوفته تاني
مروان / يوم ماكنتي مع صحابك في الكافيه من أسبوع صح لما رجعتي سرحانة وفضلتي قاعدة في اوضتك
شمس / أيوة. ودا لأن هو قابلني واتكلم معايا
مروان / قالك ايه
شمس / كان بيعتذرلي تاني عن موقف الجامعة وبيسلم عليا. مش قادرة اوصفلك احساسي وقتها يا مارو كان قلبي طاير في السما ولما أيده لمست ايدي وهو بيسلم عليا
( مروان في نفسه كفاية ارجوكي ارحميني )
كان نفسي ماشيلش إيدي من ايديه كان نفسي الوقت مايعديش ويفضل واقف معايا ويكلمني
( اتنهدت وكملت ) بس يا مارو هي دي كل حاجة من الأول للاخر. وأنا بقى محتارة بقول مش معقول اكون حبيته لأني ماعرفهوش وماكنتش حتى اعرف اسمه غير لما قالهولي أمبارح. مهاب هيييييح معقول اكون حبيت من أول نظرة
مروان بيحاول يتماسك / بصي يا شمس أنا مش هقولك غير حاجة واحدة حاولي على اد ماتقدري ماتحبيش حد إلا إذا كان بيحبك لأن صدقيني الحب من طرف واحد احساس يقتل وبيوجع أوي
شمس / لا أنا حاسة كدة أنه هو كمان معجب بيا
مروان / لا يا شمس ماتكتفيش بالاعجاب لازم يحبك اكتر من ماتحبيه مش يكون معجب بشكلك وجمالك
شمس بأبتسامة/ حاضر . بس هو أنت زعلت اني خبيت عليك انا والله كنت هقولك
مروان ( اااااه / لا أنا مش زعلان ليه بتقولي كدة
شمس / لأن ملامحك اتغيرت بعد ماحكيتلك وكمان قولتلي شمس
مروان ( بتقتليني ومش عايزاني اتوجع/ لا يا قمورتي أنا بس قلقان عليكي مش أكتر
شمس / لا يا قلب قلبك ماتقلقش وقول يارب
____________
عدى الليل على مهاب ومروان بأكبر جرح وحزن في حياتهم.
وأشرقت الشمس
والبنات بيجهزوا نفسهم علشان يخرجوا
( شمس وجميلة ورودي وداليا. )
______________
نكمل بكرة
وانتظروا مفاجآت كتير جدا
وعايزة توقعاتكوا رأيكم
يا تري مين أفضل من وجهة نظركوا لشمس
مروان ولا مهاب
رواية( شمس وسط الظلام) البارت(14) بقلم:- أسماء أبوشادي
__________________________
في إحدى الحدائق
كانوا الفتيات الأربعة مستمتعين بالوقت جدا وبيجروا ويلعبوا كأنهم أطفال
داليا / ههههههههههههه بس انا مبسوطة اوي يا شوسي إنك لبستي فستان النهاردة مخليكي مزة مزة
رودي / مزة ايه دا محسسني إنها طفلة دي كدة هتكبرنا جنبها ونعنس
( شمس كانت ترتدي فستان لونه سماوي بكوم يصل إلى فوق الركبة وترتدي اسفله بنطلون أسود وحجابها كان أسود وحذاء سماوي
( شكلها كيوتة أوي )
شمس / ههههههههههههه أصله عجب مارو وهو اللي اشترهولي وأحنا بتشترى لبس العيد
جميلة / يعني اشترالك ده غير لبس العيد
شمس بفرحة / اه دا احنا اشترينا حاجات كتير اوى ليا وله
رودي / شمس ما تسلفيني مروان شوية دا انا زي اختك برضوه
شمس / لا يا قلبي عند مارو واستوب يا عسل
داليا / ربنا مايحرمكوش من بعض أبدا يا حبيبتي
( بعد وقت طويل من اللعب قرروا البنات يروحوا يركبوا مركب في النيل
داليا كانت جاية في العربية مع السواق اللي مهاب بعته معاها وطلبت من شمس تركب معاها في العربية وجميلة تركب مع رودي وأول ما يوصلوا من الكورنيش ينزلوا ويتمشوا كلهم مع بعض قبل مايركبوا المركب
ووصلوا فعلا ونزلت رودي وجميلة من عربيتهم الأول
وبعدين نزل السواق من عربية داليا عشان يفتحلها باب العربية وكانت شمس نزلت وداليا هتنزل
وإذا بعربيتين جايين من بعيد لونهم اسود ضربوا نار على السواق فوقع في الارض
داليا وشمس صرخوا وجريوا بسرعة على رودي وجميلة وركبوا العربية بس شمس ركبت امام عجلت القيادة وما احركوش
لقيوا العربيتين وقفوا ونزل منهم رجال أجسامهم ضخمة وبيجروا رايحين عليهم
فشمس ساقت العربية بسرعة وطلعت بيها
والرجالة رجعوا عربياتهم تاني وطلعوا وراهم
طبعا دي ايام عيد والطريق زحمة بس شمس بتسوق بمهارة وكلهم ميتين من الرعب
جميلة ببكاء وصراخ / دول قتلوا السواق
شمس بخوف وقلبها هيقف / بس احنا لازم نهرب بسرعة
رودي بخوف / هما عايزين ايه وبيجروا ورانا ليه
داليا ببكاء/ معرفش أنا بتصل على ابن عمي شمس اطلعي على بيتي بسرعة ( …….) هناك في حرس كتير هيحمونا
ترن ترن ترن
مهاب / الو يا دال
داليا بصراخ / مهاااااب في ناس قتلوا السواق اللي كان معايا وبيجروا ورايا أنا وصحابي
مهاب بفزع / طب انتي فين دلوقتي انطقي
داليا ببكاء/ أنا مع صحابي في العربية بنحاول نهرب منهم بس هما لسه ورانا
مهاب / طب اهدي وتعالوا على القصر بسرعة وأنا هحدد موقعكوا من Gbs في تليفونك
( في اقل من 10 دقايق كان مهاب ورجال كتير من الحرس بيقابلوا البنات في الطريق وحاصروا العربيتين بسهولة لأنهم كانوا بعدوا عن الزحمة وأطلقوا النار لكن حرس مهاب قدروا يمسكوا 3 منهم لما حطموا عربيتهم )
@@@@@@@@@@
وبعد ربع ساعة
وصلوا البنات القصر ومنهارين من كتر الخوف والبكاء لأن الموقف بالنسبالهم مرعب
تليفون شمس رن وكان مروان لانه حس إنه قلقان عليها فاتصل بيها
شمس بتحاول ماتبينش حاجة / ال الو يا مارو
مروان عرف شمس من صوتها وحس ان في حاجة / في ايه مال صوتك أنتي جوالك حاجة
شمس / مافيش يا مارو اطمن انا كويسة
مروان بصوت عالي/ لا أنتي مش كويسة خالص قوليلي في ايه
شمس ببكاء/ اصله حصل معانا مشكلة بس احنا الحمد لله كويسين ودلوقتي في بيت صاحبتي
مروان / فين بيت صاحبتك يا شمس
@@@@@@@@@@@@@
مر نص ساعة كمان وكانوا البنات هديوا شوية ومازن بيهدي داليا وقاعد معاهم وبيهزر معاهم بيحاول يغير جو التوتر
مازن / يعني بالزمة 4 بنات مزز خارجين لوحدهم في العيد ومش عايزين دا يحصل دا انتوا تحمدوا ربنا انكوا ما اتخطفتوش
جميلة بفزع ودموع / ايه نتخطف
مازن وقد تاه في ملامح جميلة / اه الحلاوة دى كلها ومش عايزين تتخطفوا
جميلة ببكاء/ لااااا أنا عايزة أروح بيتنا
مازن / ههههههههههههه اهدي انا بهزر وربنا
رودي بغيظ / على فكرة احنا مروعبين خلقه وكفاية اللي حصلنا مش ناقصينك احنا
مازن / هو انا عملت حاجة وبعدين ايه اللي حصلكوا ما انتوا كويسين أهوه
شمس / هو صحيح ماحصلناش بس كان هيحصل وممكن يحصل لما نخرج من هنا يكونوا مستنينا برة
مهاب دخل على الجملة / لا يا آنسة ماحدش مستنيكوا برة اطمني
( شمس أول ما شافته اتصدمت بس في نفس الوقت كانت مبسوطة أوي وبعد ما كانت خايفة سيطرت عليها فرحة لوقياه )
داليا جريت على مهاب واترمت في حضنه وعيطت / كانوا عايزين يقتلوني يا مهاب وقتلوا السواق
مهاب وهو لسه بيبص على شمس بحزن من لما شافها أمبارح / لا ماتخفيش السواق لسه عايش في المستشفى وهما ماكنوش هيقتلوكي دول كانوا عايزين يهددوكي بس عشان في مشاكل بيني وبينهم
داليا مسكت فيه جامد/ يعني هما ممكن يخطفوني
مهاب بصوت مرعب / ماحدش يقدر يلمسك أو يأذيكي أنتي بنت العدلي فاهمه يعني ايه واللي حاولوا يأذوكي تحت ايدي دلوقتي وأنا مش هرحمهم
( دخل إحد الحرس )
الحارس / مهاب باشا في واحد برة اسمه مروان بيقول ان بنت عمه هنا
شمس بلهفة وقامت وقفت / مارو.
مهاب حس بالحزن أوي / دخله ( ثم وجهه كلامه لشمس ) اقعدي يا انسة ابن عمك دقيقتين وهتشوفيه
( شمس استغربت أوي من نظرة مهاب لأن قبل كدة كانت بتشوف فرح وحب إنما دلوقتي شايفة حزن وشر. بس هي فسرت ده خوفه على داليا )
مروان أول ما دخل الصالون وشمس شافته جريت عليه حضنته وعيطت كأنها كانت مسننياه ييجي علشان تعيط براحتها في حضنه
مروان بقلق / أهدي يا شمس وفهميني في ايه وايه اللي حصل
شمس ببكاء/ شوفت دم. وواحد اتضرب بالنار وأنا كنت خايفة ومرعوبة يا مارو
مروان / طب بس يا قلب مارو ماتخفيش خلاص بقى مش عايز اشوف دموعك يا قمري
مهاب قاعد نفسه يقوم يشدها من حضنه ويبعده عنها / اتفضل اقعد يا يا
مروان وهو بيقعد وقعد شمس جنبه / مروان اسمي مروان المصري ابن عم. شمس
مهاب بيحاول يداري غضبه / أهلا وسهلا أنا مهاب باشا العدلي
( مروان أول ما سمع اسم مهاب قلبه وقف
معقول يكون هو ده اللي شمس حكت عنه)
مروان / أهلا يا مهاب باشا( بص لشمس ) قمورتي ممكن تهدي وتحكيلي إيه اللي حصل بالظبط
( شمس حكت كل اللي حصل معاهم )
رودي / بس إيه شمس كانت بتسوق بطريقة ولا بتوع السينما
شمس / أومال كنتي عايزاني اسيبهم يمسكونا
مروان بيحاول يضحك شمس/ شاطرة يا قمري تربية مارو بصحيح
شمس بأبتسامة/ طبعا هو أنا تربية اي حد ولا ايه
( جميلة كانت قاعدة نفسها مارو يبصلها حتى أو يتكلم معاها بس للأسف هو لما دخل ماشافش غير شمس ادامه
ومهاب قاعد كل اللي في باله يطلع سلاحه من جيبه ويقتل مروان ويبعده عن البنت الوحيدة اللي قلبه دق ليها وخطفته من دنيته والعالم بتاعه
وبعد شوية استأذن مروان يمشي وأخد البنات معاه ومهاب كان هيبعت حرس يوصلوهم بس هو رفض
وركب هو الموتسيكل بتاعه والبنات ركبوا عربية رودي وصلوا جميلة وشمس لمنطقتهم وبعدين مروان طلب من رودي تمشي بعربيتها وهو هيمشي وراها لحد ما توصل بيتها
_________________
تاني يوم بالليل
في بيت المصري
عبدالحميد كان عازم أخوه عاصم ومراته وعياله وكمان ابنه عبد الرحمن ومراته على العشا
وشمس فضلت قاعدة في أوضتها طول اليوم مارضيتش تخرج ابدا
وعمها ماغصبش عليها تخرج لأن أبوها حتى مانزلش يعيد عليها وبعتلها عديتها مع أخوها عادل الصغير وهي ما اخدتهاش
مروان أخد شمس وقال لابوه إنهم هيتعشوا برة ومش هيرجعوا إلا لما عاصم يطلع شقته
@@@@@@@
في مطعم
مروان / ايه يا قمري اطلبلك أكل تاني
شمس بأبتسامة/ يا مارو أنا شبعت على الآخر مافيش مكان في بطني تاني
مروان بحنان صادق / قمورتي مش عايزك تزعلي من ابوكي
شمس بأبتسامة/ أنا عمري ما أزعل منك أبدا
مروان / أنا قصدي
قاطعته شمس / انت أبوية واخوية وامي وكل حاجة ليا وياريت بقى مانتكلمش في الموضوع دا تاني.يامارو
مروان / حاضر يا قلب مارو
شمس / أنا كنت عايزة اقولك حاجة
مروان / سامعك يا قلبي
شمس / مهاب اللي انا حكيتلك عنه طلع هو مهاب قريب داليا اللي انت شوفته امبارح
( ثم اتنهدت بحزن )
مروان / أنا كنت حاسس بس انتي ليه مش مبسوطة
شمس / أصلي كل مرة بشوفه قلبي بيفضل يدق وعيني بتبقى عايزاه قصادها علطول
وأنا بشوف في عينه حب كبير ليا
بس امبارح لما شوفت القصر بتاعهم ومستواهم وعرفت هو مين حسيت اني بوهم نفسي يا مارو. معقولة هو هيحبني انا
مروان بحزن على حاله / ومايحبكيش ليه أنتي تعرفي ان في ناس عندها استعداد تموت علشان خاطر تشوف ضحكتك.
شمس بسرحان / انا مش عايزة الناس دي أنا عايزاه هو
( نسيب شمس تتمنى حب مهاب وتقتل مروان بكلامها )
_________________
مهاب في غرفة الرياضة بقصره
رن تليفونه ورد لأنه كان نور صاحبه
نور / ايه يعني ماشوفتكش من يوم ماكنت عندي ولا حتى اتصلت
مهاب / هتصل أقولك إيه يا صاحبي
نور / مالك يا مهاب طمني
مهاب / طلعت بتحب ابن عمها ومستنيين لما تخلص دراسة وترطبت بيه
( ظلوا يتحدثوا وحاول نور إنه يخفف عن مهاب وزعل عليه جدا )
____________________________
الصبح
قررت رودي تقضي اليوم عند شمس لأن أختها وجودها راحوا شرم وهي رفضت تروح معاهم
أما مروان فراح على ورشته يشتغل علشان يخفف من الم ووجع قلبه
في شقة عبدالحميد
رودي وشمس قاعدين مع بعض في أوضة شمس
رودي / بس مرات عمك دي طيبة أوي
شمس / ماما منى مافيش أطيب منها أبدا
رودي / واوضتك جامدة ومليانة عرايس ولعب وفوانيس عاملة زى أوضة الأطفال
شمس بأبتسامة/ كل اللي أنتي شايفاه ده مارو اللي جايبهولي
رودي / ربنا يخليهولك والله دا إنسان مافيش منه أبدا
شمس / يا بنتي مارو دا ملاك مش إنسان
( ظلوا يتحدثوا مع بعض قليلا
ويقطع. حديثهم اتصال من مروان )
شمس بأبتسامة/ مارووووو
………………../ حضرتك انا من أهل صاحب التليفون ده
شمس بأستغراب / مين معايا أنتي مين وفين مروان
……………./ حضرتك انا ممرضة في مستشفى (…….) و التليفون دا كان مع واحد عمل حادثة وأنا كلمتك لأنك آخر رقم ومكتوب باسم قلبي قولت يمكن مراته
شمس / انا جاية حالا سلام رودي قومي بسرعة
( شمس حطت طرحة على رأسها بسرعة من غير حتى ماتعدلها وجربت على برة وسط استغراب رودي
وكان قاعد في الصالة عبدالحميد ومنى ومحمد
شمس بصراخ / الحقوا مارو في المستشفى لأنه عمل حادثة
الكل / ايه.
شمس بعياط / يلا يا رودي بسرعة وصليني المستشفى
( ركبوا كلهم عربية رودي ووصلوا المستشفى. وعاصم حصلهم هو وعبد الرحمن لأنهم عرفوهم )
سألوا عنه وطلعوا كان في العمليات وعرفوا ان حالته خطيرة
الكل واقف وبيدعيله
منى ببكاء/ يارب نجي أبني يارب
عبدالحميد / اهدي يا منى أن شاء الله هيبقى كويس
( شمس واقفة على جنب ورودي جنبها بتهديها )
الدكتور خرج والكل جري عليه
الدكتور / ادعوله أهم شئ الدعاء احنا هنستني بس ساعتين ونشوف الحالة
و( رغي دكاترة )
شمس قعدت فى الأرض ورفعت ايديها لسما وقالت / يااارب
أنت ادتني حاجات كتير اوى الحمد والشكر لك على كل شئ
رزقتني بالجمال والصوت الحلو والزكاء والزاكرة القوية والنجاح دايما
يارب أنا ماتلبطش اي حاجة من دول ومش عايزاهم
انا مش عايزة غير مارو وبس
يارب خود كل حاجة وسيبهولي
دا انت عوضتني بيه عن كل شئ
ياااارب يااااااارب
__________________________
نكمل في الفصل الجاي
